【香港】張柏芝任林家謙演唱會嘉賓曝揀歌原因 自嘲冇才華只有一首歌紅：顏值我還是有的

风信使

張柏芝45歲張柏芝嘅近年轉戰內地發展，久未喺香港露面嘅佢驚喜亮相林家謙紅館演唱會，成為第9場「盲盒」嘉賓。張柏芝穿起薄紗裙裝，以孖辮造型出場，與林家謙合唱代表作《任何天氣》及《留給最愛的說話》，勾起現場觀眾及網民嘅回憶。
而張柏芝事後亦喺小紅書上載一段以「Vlog | 沉浸式歌手再體驗日記」為名嘅影片，講述今次做嘉賓嘅趣事。首先會搞笑話自己由18歲開始都有去紅館，不過每一次都唔係自己嘅演唱會。綵排完畢後，張柏芝就前往休息室，期間佢自嘲：「我其實出了很多專輯的，但是只紅了一首。」並憶述喺獲邀做嘉賓時，主辦方叫佢揀選兩首歌，首先佢決定揀《任何天氣》，而另一首就竟然唔係揀自己嘅歌曲，揀選《留給最愛的說話》（原唱為鄭丹瑞、張麗瑾），原因係「那首歌我也沒有火，但是起碼我唱了一首我真的很喜歡的歌」。
之後，張柏芝仲大讚林家謙係一個特別有才華嘅歌手，跟住就將矛頭指向自己話：「看著他心裡面在想，才華我是沒有啦，但是顏值我還是有的」，然後大笑及拍手，非常搞笑。
影片出街後，唔少網民紛紛留言大讚佢嘅顏值，例如「姐姐你美！！！」、「凍齡了」、「好美，出來的時候给我美暈了」、「太美了吧 越來越年輕了」、「咁靚得唔得㗎？」、「香港最美」、「45？ 33 吧姐姐。哪像45啊」、「靚到無法形容」、「45歲生過三娃，還長這樣，神顏」及「靚到不得了」等等。
張柏芝小紅書影片截圖張柏芝小紅書影片截圖張柏芝小紅書影片截圖張柏芝小紅書影片截圖張柏芝小紅書影片截圖張柏芝小紅書影片截圖張柏芝小紅書影片截圖張柏芝小紅書影片截圖張柏芝小紅書影片截圖張柏芝小紅書影片截圖張柏芝小紅書影片截圖按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！