【香港】翁虹梁思浩35年前拍劇入住猛鬼酒店 身後驚見巨人靈體 肥姐沈殿霞被扯走被鋪

风信使

梁思浩主持嘅《直播靈接觸》尋晚開始播出第三季，首集嘉賓係同梁思浩相識多年嘅翁虹。二人於1990年曾經於亞視劇集《富貴冤家》演情侶，之後有25年冇見面，今集梁思浩同翁虹大爆該劇到加拿大溫哥華拍外景期間，發生過靈異事件，思浩更將當中經歷收埋25年先講！
梁思浩請keep得好好嘅翁虹做嘉賓翁虹提及當年《富貴冤家》有董驃、沈殿霞、李麗蕊同彭健新合演，大夥兒當時於一間古堡酒店下榻，思浩同翁虹話間酒店好靚，但自言有靈異體質嘅翁虹話酒店掛上嘅多幅人像照，令佢覺得「行到邊都好似望住我」。入到房間更加周身唔聚財，翁虹感覺到「有啲嘢喺天花板」，而且煙灰缸有個有唇膏印嘅煙頭，窗簾又有一半拉起，令佢覺得間房唔係得佢個人。到翁虹放完行李，拉起一半嘅窗簾竟然自己跌返落嚟，思浩指嗰堂窗簾好重，要2個人先托得起。翁虹因此嚇到走出酒店房，要去彭健新夫婦間房借宿。
梁思浩同翁虹等人一齊入住猛鬼酒店本來翁虹想搵梁思浩求救，但思浩話自己間房都有嘢，仲話「間房好大，但係覺得有好多人」！思浩又話入房除低對boot之後去洗手間，轉頭就發現對boot入面有錢幣，但當時房內只有思浩自己一個。「嚇死我呀，佢（靈體）掉入我對boot入面呀。得我一個喺間房，邊個掉入嚟？冇理由對鞋入面有錢你唔知架」。
翁虹聽完梁思浩話喺佢身後有鬼時當堂樣都變埋梁思浩於是去搵同樣好驚嘅翁虹求救，並揭露一單多年冇講嘅事。思浩指當時翁虹應門時打開半邊門，佢見到翁虹身後，竟然有個比翁高三個頭嘅「外國男人」喺後面，仲以為翁虹「有艷遇」。翁虹聽完都話「起雞皮」。
翁虹當年同董驃、沈殿霞、李麗蕊、彭健新及梁思浩合演《富貴冤家》更爆嘅係，梁思浩同翁虹「撞嘢」之外，同劇嘅肥姐沈殿霞一樣有事。思浩話因為太驚於是去咗肥姐間房度瞓，肥姐話佢間房都有鬼，試過瞓瞓吓竟然有人拉佢張被。肥姐開頭以為係欣宜扯佢張被，但係又摸到個女瞓喺隔離，肥姐帶返眼鏡一睇，竟然見到廁所入面有人影，仲好快就飛走咗！梁思浩最後指，團隊上下當時每日都喺度分享自己嘅靈異經歷，可想而知有幾猛！
翁虹當年同董驃、沈殿霞、李麗蕊、彭健新及梁思浩合演《富貴冤家》按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！