【香港】容祖兒缺陣內地「學校操場拼盤show」 主辦方改票價 Joey粉絲： 可以抖抖

风信使

早前內地有主辦單位公布，將於10月初喺廣東雲浮市一間學校嘅操場舉行俗稱「拼盤 show」嘅群星演唱會，頭牌歌手更加係香港天后容祖兒。內地網民一度討論此事，認為祖兒「由紅館唱到學校操場」。亦有人懷疑演唱會孰真孰假，不過主辦單位已經確認係堅嘅。
容祖兒近期再有網民發現，該演唱會尚有唔夠一個月就開show，但係至今仍未售票。而且最新版本大會宣傳海報上，容祖兒照片已經「不翼而飛」，C位改由原本排側邊嘅側田頂上，另外演出卡士加入呂方、台灣歌手潘美辰。而原本以剪影交代嘅「神秘嘉賓」同樣喺海報上消失，換上同剪影輪廓好相似嘅洪卓立。
廣告廣告容祖兒原本有份演出嘅演唱會，近期宣傳品已經見唔到祖兒張相主辦單位本來話呢場喺中學操場搞嘅show真係搵到容祖兒！有內地網民話冇咗容祖兒，個演唱會當堂失色不少。更有人對比2款陣容下嘅演唱會票價，以最平飛嚟計的話，「祖兒值8蚊」。但若果以最貴嘅飛計，相差變成超過200蚊。
容祖兒去年喺江門演出前失聲，只能上台道歉近年主力內地發展嘅容祖兒，去年11月喺家鄉江門出席一個「拼盤show」演出，不過因為身體抱恙，祖兒只能聲沙沙咁上台現身，跟住音樂向台下觀眾揮手，全程未有演唱，仲要同觀眾道歉。有歌迷認為今次祖兒唔參加演出的話，可以抖抖之餘，亦唔需要理會被指「下鄉演出」嘅評語。
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！