【香港】Yahoo娛樂圈｜專訪Gareth.T湯令山 已對舊情釋懷 以雨後陽光喻心情：已經冇傷心，係感恩

tianqi

湯令山（Gareth.T）今年一首〈用背脊唱情歌〉，熱播度極高。歌曲以舊愛鄧凱文（Moon Tang）為對象，勇敢而直白，Gareth.T：「咁赤裸咁同大家分享呢個事情，都算係越過咗心傷經歷嘅象徵。」近來一系列歌都講述情傷，但他指自己已經痊癒並走進新階段：「我以為呢個心傷未必會完嘅，係無止境嘅……雖然咁諗比較幼稚。太陽好神奇自然會出嚟。」然而這些經歷，仍然會透過表演，在演唱會中與樂迷坦誠分享。
Gareth.T的演唱會將以「Prince of Sadness 心傷王子」為主題。「心傷王子」已戰勝心傷
Gareth.T將在英國倫敦及澳門舉行演唱會，名字是「Prince of Sadness 心傷王子」，但原本名字並非如此：「澳門同倫敦兩場都係比較古老嘅場地，都想個主題適合，想搵啲古典啲嘅idea擺入去。本身個名想叫Renaissance，文藝復興，但有啲難記。咁近年來出咗咁多傷心嘅歌，就不如叫心傷王子，演唱會入面著嘅衫同set list都會襯托返。」他特意補充：「其實每次做tour個set list都唔同，今次黎唔到睇，就唔會再睇到，下次就唔係咁。」機會難得。
廣告廣告海報中有小提琴，流露出古典感覺。「心傷」是因為多傷心歌曲，那「王子」呢？「我已經戰勝咗心傷，我唔係被佢俘虜住，已經過咗去，所以我就揀王子，同埋『國王』有啲太癲！傷心同心傷我都揀咗好耐，因為傷心好似有啲行……意思上就冇分別嘅。」關於這個「心傷系列」，Gareth.T推介由第一首聽起：「其實第一首就最sad嘅，叫〈Let Me Know〉，最近嘅反而有少少釋懷囉，都放開咗。」
〈用背脊唱情歌〉形象化的一段情話
講起心傷代表，不得不提今年的大熱作〈用背脊唱情歌〉，原來靈感來自他的一個想法：「Wyman（填詞人黃偉文）同我講過，因為我講過呢句嘢，佢先有諗法寫呢首歌。嗰時我話，想寫一首大家都知我講邊個嘅歌，但我又唔想唱畀佢聽，所以要用背脊對住佢唱。 〈用背脊唱情歌〉個尾都放聲咁唱，又轉埋身叫自己個名，係搵返到自己，放低咗呢個東西。咁赤裸咁同大家分享呢個事情，都算係越過咗心傷經歷嘅象徵。」
〈用背脊唱情歌〉就是不想對著她唱，所以要用背脊去唱。人人都知道歌曲的對象，如此坦白，需要勇氣嗎？他反問：「咁你覺得使唔使？其實我同你都一樣，都需要好多勇氣先做到，上次喺朗豪坊唔著上身其實都係勇氣，好彩有五十幾條友同我一齊癲，唔係真係搞唔掂！本身諗住喺條街度㗎！後尾揀咗個商場。本身又話錄影，我就話要現場表演，要行為藝術咁樣玩！做個刻都要（深呼吸）。」結果53個壯漢赤裸上身在商場表演，成就了熱話。
53個壯漢赤裸上身在商場表演，成就了熱話。以雨後陽光比喻心情
〈用背脊唱情歌〉的MV導演都是Gareth.T自己，片中一個轉身成為標誌動作，更被網民起了「令山轉」這名字：「係我諗，我有度過，有練！我唔知啲人會講咁多個（令山）轉，我覺得冇乜特別，但啲人好鍾意，我都OK。」拍攝的過程，更發生一個意想不到的情況，讓他非常觸動：「 拍第二幕射箭嗰度，本身嗰日落好大雨，就諗住改第二日先拍啦。但神奇地，太陽喺我哋拍嘅時候先出嚟喎，拍出嚟嗰一幕係完美嘅，甚至比我諗嘅更加好添。反映我整呢啲歌嘅時候，我以為呢個心傷未必會完嘅，係無止境嘅……雖然咁諗比較幼稚。太陽好神奇自然會出嚟，都反映到我心理狀況。」他應為是一個上天的提示：「係一個提示嚟，提醒我：『會過嘅』，已經冇傷心，係感恩。我感恩呢個經歷，我個心已經變大咗。而家心情係舒服，心態正常！」
MV第二幕的雨後陽光經歷觸動了他。他深信自己心臟已強大，但笑指未經證實：「而家未需要再面對呢個情況啦，所以未test到我強唔強大，如果上次個心傷要用一年時間去康復，我覺得下次應該用九個月，但未實驗過，我估嘅啫！會快啲好返嘅！」
他深信自己心臟已變得強大。比入行時更懂聽意見，繼續為廣東歌努力
由作曲、錄音到製作MV，甚至構思宣傳活動，Gareth.T都喜歡落手落腳：「如果冇份一齊設計、冇份玩就唔好玩喇，鍾意同團隊一齊鑽研，但要磨合！呢個係團隊合作，好似打籃球咁。（你現在比入行時打得好嗎？）一定打得好咗！識同人講嘢啲，人哋有唔同嘅意見，我都唔會即刻話『唔得』，態度唔同。以前係：『唔同意我呀？唔鍾意！唔聽！』而家唔鍾意都會聽，分分鐘有用，忠言逆耳嘛！」
入行幾年，學懂了與人溝通，不再執於己見。出道時以英語歌為主，現在更多創作廣東歌，這亦是他的未來方向：「我香港人嚟㗎嘛，創作廣東話歌係必須，亦都好正常。我得廣東話歌係香港人先整到咁好，大部份我鍾意聽嘅廣東話歌都係香港人整，我有呢個機會又有呢個能力，點解唔去整？尤其是我有好多想法可以拍入廣東話歌，就理所當然。」
將來他亦會為香港人製作更多廣東歌。採訪：何德