【香港】滕麗名老公朱建崑被指逼員工收工後上培訓 「朱生話唔想浪費日間工作時間」

tianqi

滕麗名老公朱建崑（Matthew Chu）出任日資公司香港總監，但係有該公司疑似員工發文，直指朱生「逼人OT」仲要無補水！
滕麗名老公朱建崑爆料者指該公司本身返工時間已經夠早，要8:30打卡。「你以為夠早可以準時收工？朱生話唔想『浪費』員工日間工作時間，搞咗晚間收工後training，必須出席。明逼你OT，仲要無補水」。網民又指朱建崑仲話『日後會再加多啲夜晚training』，「仲話要發問卷問大家有冇人『真係』唔鍾意夜晚training。要人打份寫字樓工射足12碼」。
廣告廣告滕麗名老公朱建崑被指逼員工收工後上培訓網民狠批該公司文化培養社畜，「你哋嘅『唔浪費時間』，根本係浪費緊員工嘅生活、健康、家庭。打工唔係賣命呀！」。有人留言指「員工唔可以愛回家，得佢老婆可以愛回家」，亦有網民唔明點解拉埋滕麗名落水。「禍不及妻兒...關人哋老婆乜事 ？」。
滕麗名同魏駿傑嘅9年情告終之後，滕麗名經朋友介紹認識才俊朱建崑，兩人於2013年喺泰國蘇梅島舉行婚禮。婚後二人未有孕育下一代，而滕麗名就試過喺日本滑雪期間不慎喺樓梯跣腳跌斷左邊五條肋骨，更插傷肺部搞到內出血而要入院，當時朱建崑對滕麗名照顧得無微不至。
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！