【香港】風林火山︳任賢齊金城武唔肯為麥浚龍補戲原因曝光？網民指上吊戲真做替身險出事激嬲小齊

tianqi

麥浚龍（Juno）執導的「都市傳說」作品《風林火山》終於在10月1日上畫，電影集眾多巨星如金城武、劉青雲、古天樂、梁家輝、高圓圓主演，但自5月康城影展後，Juno就未有再亮相宣傳，最終只有劉青雲、衛詩雅在香港接受傳媒專訪，有傳媒更以「冷處理」形容Juno舉動。《風林火山》除咗成本高昂同製作耗時長久之外，仲有唔少傳聞。有指任賢齊、金城武拍完《風林火山》之後唔願意再為電影補戲，原因同動作場面有關。
風林火山（以下內容有劇透成份）
廣告廣告風林火山戲中任賢齊飾演卧底阿焦，身份被金城武飾演嘅李霧童揭發，李於是將阿焦吊死。有自稱係劇組人員嘅網友發文指，麥浚龍曾要求任賢齊親身上陣拍問吊戲份，更指曾詢問醫生，真吊頸10秒冇事。後來小齊未有親身上陣，於是改由替身埋位。結果呢個鏡頭拍咗唔止10秒，足足有成分鐘，替身痛苦掙扎先嗌cut放人，更指搞到入醫院。
網民稱平時脾氣好好嘅任賢齊，見到替身「上吊」立即嬲爆。「小齊嬲到震即刻成日戲都唔拍，之後都冇佢嘅戲，因為（角色）已經吊死咗。」另一位同樣自稱目擊當日過程嘅網民直情指「任賢齊發火要打Juno，金城武當時都見證」，又指「因為金城武都幫任賢齊，拍完之後兩個都唔肯返去補戲，剩得梁家輝及劉青雲肯返去補戲」。
早前武指熊欣欣發文狠批「一個不懂尊重別人的人，心理變態的人的作品，就算我們按合約精神完成了百分之九十的動作，也不值得期待」。有劇組人員踢爆片中危險動作都係麥浚龍叫武指做出嚟，熊欣欣因為唔肯按照Juno要求而被解僱，由鄧瑞華接手動作指導工作。
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！