【香港】跨性別歌手SY胡肇賢首度挑戰情歌 以音樂製造共鳴 不介意身份喚起關注

tianqi

跨性別歌手胡肇賢（SY）繼續以獨立唱作人身份出歌，過去主要以音樂分享個人經歷的他，今年終於首度挑戰情歌，全新單曲《一生懸夢》描述失戀後的情感餘震。單身的SY從未幻想「大龍鳳」的感情關係，他更憧憬簡單的甜蜜：「眼裏面有對方已經好滿足嘅感覺，所以喺MV入面，好多情侶們會做嘅日常，某部份都係我自己期望嘅關係。」
為了呈現這份真實感，SY特意邀來岑樂怡（阿妹）擔任MV女主角，他說：「我唔想要女神Feel嘅演員，阿妹好sweet，同時又好有性格，我好鍾意呢種感覺。知道可以同佢拍MV好開心又緊張，好彩佢一直引導我、鼓勵我，真係好感激佢。」SY笑言拍攝面貼面共舞、瞓大髀的場面，初時難免有點尷尬，幸好阿妹專業又細心，令他安心投入拍攝。
廣告廣告提到共舞場口，是SY刻意營造夢境的異象：「喺現實世界佢哋分咗手，但係個男仔一直沉溺喺自己嘅夢入面，所以你睇到個動作好似好親密、好開心，但係阿妹係無咩笑容嘅，代表呢啲都係個男仔自己諗。」他指《一生懸夢》的主題是現實與幻象，也是SY上一首作品《雅努斯》的延伸：「同樣係講虛實之間嘅嘢，今次係講失戀之後，仍然留戀喺自己幻想世界嘅感覺。有啲情緒，你以為已經處理好甚至解決咗，但呢啲嘢會喺你嘅夢入面出現。有人覺得咁樣留喺夢入面，係一種固執，但係有啲人係寧願活喺夢入面，都唔願面對失去。到底係深情定固執，發夢嘅人或者一早分唔清楚。」
新歌是SY推出至今的第五首歌，也是2025年首支單曲。至於，為何來到10月才釋出新作？他笑謂：「23年頭，我同自己講24年要出四首歌，我係講咗就要做到嘅人。雖然終於都做咗四首，但係好似跑數咁，真係有壓力。今年，我跟返自己嘅節奏，雖然產量少咗，但係成個過程自在咗，享受多咗。」未來的目標，SY希望繼續透過音樂紀錄對自己重要的事，同時亦希望可以引起大家的共鳴：「希望聽嗰陣，可以勾返起大家都記得嘅嘢。至於再大啲嘅目標，梗係想出碟或者開音樂會啦。」
現時性別認同等社會議題，雖然普遍已較過往開放，但問他可擔心會惹來Haters？作為跨性別人士，SY不介意身份引起關注，又直言這次想以較POP的曲風，接觸更多樂迷。他說：「上年出第一首歌嗰陣，已經有晒心理準備，幸運地到目前為止都冇咩好大問題。我又覺得有呢啲Haters都好，起碼可以令呢個社會知道，跨性別人士真係存在嘅，所以我都多謝佢哋嘅存在。」
他很感激自己的作品，能為其他跨性別人士帶來鼓勵：「上年出歌，都收到啲Trans嘅朋友，話我嘅作品陪伴到佢哋渡過咗一啲艱難嘅時期，呢樣嘢令我好感動。我自己都經歷過迷失，所以慶幸自己畀到少少鼓勵佢哋，呢個亦都係我繼續做落去嘅動力。」
跨性別歌手SY胡肇賢首度挑戰情歌 以音樂製造共鳴 不介意身份喚起關注跨性別歌手SY胡肇賢首度挑戰情歌 以音樂製造共鳴 不介意身份喚起關注跨性別歌手SY胡肇賢首度挑戰情歌 以音樂製造共鳴 不介意身份喚起關注跨性別歌手SY胡肇賢首度挑戰情歌 以音樂製造共鳴 不介意身份喚起關注跨性別歌手SY胡肇賢首度挑戰情歌 以音樂製造共鳴 不介意身份喚起關注跨性別歌手SY胡肇賢首度挑戰情歌 以音樂製造共鳴 不介意身份喚起關注跨性別歌手SY胡肇賢首度挑戰情歌 以音樂製造共鳴 不介意身份喚起關注跨性別歌手SY胡肇賢首度挑戰情歌 以音樂製造共鳴 不介意身份喚起關注跨性別歌手SY胡肇賢首度挑戰情歌 以音樂製造共鳴 不介意身份喚起關注跨性別歌手SY胡肇賢首度挑戰情歌 以音樂製造共鳴 不介意身份喚起關注跨性別歌手SY胡肇賢首度挑戰情歌 以音樂製造共鳴 不介意身份喚起關注跨性別歌手SY胡肇賢首度挑戰情歌 以音樂製造共鳴 不介意身份喚起關注跨性別歌手SY胡肇賢首度挑戰情歌 以音樂製造共鳴 不介意身份喚起關注