【香港】陳百祥同TVB友好不再？鄧兆尊分析錢作怪「做乜返嚟做啲無謂嘢？」

tianqi

炎明熹炎明熹同TVB約滿後自組公司再出發，同TVB關係友好嘅陳百祥回應時直指「而家冇人要靠TVB，邊有人仲要靠TVB」，又以佢領軍嘅「精裝明星足球隊」踢一場波點擊率十億百億為例，認為TVB最多人睇時都係講緊百萬幾人，難以相提並論，甚至直插「電視係黃昏事業」，令人相當震驚。
陳百祥出身TVB、又曾經同陳百祥一齊踢過明星吹球隊嘅鄧兆尊，早前喺曾志豪、貴花田同王耀祖主持嘅《田豪祖3寶channel》直播中談及叻哥嘅言論，兆尊表示大致上認同，但亦都認為TVB喺上年紀觀眾層面仍有一定影響力，否則難以捧出3屆《中年好聲音》選手，只係市場比較細。兆尊亦表示叻哥所言非虛，村超（鄉村足球超級聯賽）真係有過億點擊率。
廣告廣告陳百祥不時帶精裝明星足球隊北上踢波曾志豪問道陳百祥同TVB係咪仍有合作關係，兆尊估計叻哥應該同TVB係「一年一show」制合約，由於年資有咁上下，一個show嘅show錢應該有幾萬蚊。至於係咪「鬧翻」，兆尊就話「冇人會斷一個關係，最多都係唔理你啫。」。對於叻哥近年少有參加大show，兆尊舉例「一個五萬蚊蘋果同一個十蚊蘋果，你會買邊個？咁梗係買十蚊嗰個啦，我用一個叻哥，等如用十個錢嘉樂，咁我梗係用錢嘉樂啦」。
鄧兆尊早前喺曾志豪、貴花田同王耀祖主持嘅《田豪祖3寶channel》直播中談及叻哥嘅言論鄧兆尊同時指出，現時陳百祥喺內地做一場直播帶貨嘅價錢遠超TVB show錢，「我做乜要山長水遠返嚟tvb，做啲咁無謂嘅嘢？」，兆尊更以自己為例「內地活動出場費以我咁嘅級數都有幾十萬，我宣布有個咁嘅活動，出場到一到，咁就幾十萬，我喺呢間公司(TVB）打一年工都冇啦」。不過節目中都有提及TVB非一無是處，唔少藝人回巢拍劇都係因為TVB仍有一定影響力，又以TVB甘草李國麟為例。鄧兆尊指現時李國麟嘅社交平台追蹤數有一百萬，佢自己都冇咁多，而且李國麟出親直播都一定以佢嘅經典角色名稱做介紹，證明TVB劇深入民心至今。
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！