【香港】夏雨罕有露面撐鍾嘉欣新歌 騎騎笑再現勾起網民《溏心風暴》 回憶殺

风信使

79歲夏雨早前透露將回內地定居79歲嘅夏雨從事演藝行業超過60年，更喺《萬千星輝頒獎典禮2008》憑《溏心風暴之家好月圓》甘泰祖一角奪得「最佳男主角」獎項。夏雨自2016年拍畢TVB劇集《溏心風暴3》後便淡出幕前，與太太移居加拿大展開半退休生活。日前，夏雨為短劇《邑城風雲》復出，與米雪、謝雪心等老戲骨合作，並透露將回內地定居。
夏雨出山為鍾嘉欣宣傳新歌夏雨正在宣傳新歌Believe in Yourself嘅鍾嘉欣，喺IG發布新歌嘅宣傳短片，就搵到曾經合作演出2輯《溏心風暴》 系列嘅夏雨出場。片段一開頭鍾嘉欣同夏雨就以招牌《溏心》入面嘅騎騎笑動作出場，鍾嘉欣介紹完歌名之後夏雨就話首歌「得呀！必爆！」。片段後半有唔少鍾嘉欣同夏雨嘅NG片，相當有趣，而嘉欣就喺個post 指夏雨以身作則啟發良多，令自己成為更好嘅人，又形容夏雨可靠、勤力、堅毅而且有耐性，好興奮可以再次見面。（doesn’t know how much he’s inspired me to be a better person by example. He is like the rock we can lean on. He is incredibly hardworking, patient, and resilient. I was soooo excited to see him again. ）
廣告廣告夏雨憑《溏心風暴之家好月圓》奪得TVB萬千星輝頒獎典禮最佳男主角夏雨同鍾嘉欣合演過《當旺爸爸》、《溏心風暴》 及《溏心風暴之家好月圓》，三齣劇都相當受歡迎，唔少網民都話鍾嘉欣呢條片勾起唔少回憶。鍾嘉欣婚後定居加拿大溫哥華，巧合地夏雨都喺當地生活多年。
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！