【香港】馮淬帆逝世 ｜演《精裝追女仔》堅叔深入民心 曾與汪明荃有段情 用生果取代粗口字對白成經典

风信使

資深影視人馮淬帆逝世，享年81歲。人稱「緊哥」嘅馮淬帆80年代拍過唔少喜劇而為人認識，但馮其實同時仲係導演，執導時工作態度極為認真，而且對電影恩師楚原深深感激，幕前幕後反差相當大。
馮淬帆於TVB劇《飛越十八層》演魔鬼馮淬帆原名馮兆覲，1944年生於廣東順德，父母以及2位家姐都係粵劇名伶。馮淬帆6歲時與家人來港定居，父親因粵劇在港息微而返回廣洲，但後來遇上文化大革命而下落不明。緊哥中學時已經去報館打工，1965年加入麗的電視成為演員，演過劇集後受楚原賞識而參演電影《紅花俠盜》，並拜楚原為師。
廣告廣告馮淬帆於金像獎頒獎禮上向恩師楚原表達感激之情馮淬帆於第37屆香港電影金像獎頒獎禮上，負責頒終身成就獎俾恩師楚原，當時緊哥提到當年由演員跨界做導演嘅經過，原來係向恩師自薦。楚原叔於是安排馮淬帆先學習做副導演，再慢慢升為導演。緊哥喺台上憶述自己首次執導時，第一日開工第一個鏡頭就係楚原叔幫佢擺機位。
馮淬帆演嘅堅叔相當經典80年代係馮淬帆嘅演出高峰期，拍過多套喜劇電影如《五福星》系列、《精裝追女仔》系列、《最佳損友》系列等，電視劇就有《執到寶》、《飛越十八層》、《播音人》等。喺《精裝追女仔》演嘅縮骨車房老細堅叔用咗收縮水沖涼，仲有喺續集同黃韻詩嘅談情戲，到而家睇返依然好好笑。喺《最佳損友》入面用生果取代粗口字嘅對白，更加成為台灣當時嘅潮語。不過緊哥曾坦言八十年代拍喜劇係為五斗米而折腰，冇一套係鍾意嘅。
馮淬帆馮淬帆終生未有結婚或育有兒女，但曾經承認同汪明荃及曾慶瑜拍過拖，阿姐更加係緊哥初戀對象。馮淬帆曾直言當時汪明荃同電視台製作人鄒世孝拍拖，緊哥係橫刀奪愛。後來汪明荃事業冒起，馮淬帆認為女友野心越來越大，於是決定分手，但二人仍保持良好關係。即使汪明荃同羅家英結咗婚，緊哥話假如佢同家英哥碰面，家英哥都係會打俾Liza姐並且遞上電話等二人交談，可見心無芥蒂。
馮淬帆馮淬帆1986年起移居台灣，但仍有拍攝港片，到90年代開始減產，近年拍過華語電影版《深夜食堂》、《明月幾時有》等。馮淬帆近年不時於社交平台發文﹐今年3月曾透露因二次肺炎感染住院，因需要戴上氧氣罩。緊哥早幾日得知許紹雄逝世，也於facebook發文表達不捨之情，更指「自己也病入膏肓,苟延殘喘」，並向許紹雄喊話「賢弟那邊等.愚兄隨後來!」，距料一語成讖。
馮淬帆按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！