【香港】魏駿傑拍片煲湯接放學展現暖爸特質 15歲女兒Jessica罕有曝光

tianqi

魏駿傑現年57歲嘅魏駿傑，同前妻張利華離婚後獨力撫養女兒Jessica，現時主打內地市場。近年魏駿傑不時喺內地社交平台分享生活片段，早前就以「女兒奴一日」為主題拍vlog，而今年15歲嘅Jessica亦罕有曝光。
魏駿傑介紹為囡囡煲嘅愛心雞湯vlog入面魏駿傑踩單車以外，仲介紹為囡囡煲嘅愛心雞湯，片中魏駿傑提到女兒都有唔方便嘅日子，所以煲定湯等個女補身。之後魏駿傑去到學校門口接放學，仲話係「鬼鼠接放學」。「為甚麼要鬼鬼祟祟？現在接放學與以前不一樣，以前大家在門口排隊接放學，但現在差不多放學都沒有家長，弄不好的話就會捱罵，但是我相信Jessica不會」。隨後Jessica現身，雖然帶上口罩，但片中可見身材相當高䠷，同身高180cm嘅爸爸唔差太遠。Jessica雖然遮剩對眼，但有網民就話Jessica似足媽媽張利華，真係好眼力。過去魏駿傑只喺Jessica童年時post過女兒正面照，不過今次條片上載一段時間後就再見唔到Jessica現身嗰部份。
廣告廣告魏駿傑之後接個女放學魏駿傑不時拍片分享同囡囡相處之道，曾提及個女開心最重要，唔需要考名牌大學。「人生是她的，只要她開心就好，別給她壓力，開心就好。」
魏駿傑女兒Jessica轉眼成為中學生啦魏駿傑2007年北上拍劇時，認識年輕20歲嘅重慶女大學生張利華，迅即打得火熱。魏駿傑當時毅然放棄與滕麗名9年感情宣布分手，並且喺拍拖一年後同張利華結婚，備受指責。婚後張利華誕下Jessica，並且到香港生活，但亦開始傳出佢同魏駿傑婚姻有問題。張利華曾暗示同魏駿傑多年冇親密行為，傳媒又「捕」到張好耐冇返西貢屋企，而且同唔同男士過從甚密，包括洋人banker及單車選手。後來張利華改名張伽琳，跟住前女星王玉環從事保險業，更被傳同退休法官胡國興兒子胡雅倫交往，二人一度更爭執而鬧上警署。而魏駿傑同張利華於2020年離婚後，宣布同囡囡Jessica相依為命，受訪時更聲稱「終生不娶」。
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！