【香港】何英偉罕有露面 親自去中山了解海俊傑太太肝病情況 「當時心諗係咪AI」

风信使

早前海俊傑拍片為因急性肝硬化而喺中山留醫嘅太太籌150萬醫藥費，片中更聲淚俱下。海俊傑後來拍片表示已籌得79萬，捐款者包括郭富城、陳淑芬等多位圈中猛人。
海俊傑先後效力亞視同TVB嘅男藝員何英偉近年於廣州生活，原來佢得知海俊傑情況後，曾親自去醫院了解。曾與何英偉合演劇集嘅李婉華就同劉雅麗一齊訪問何，從而了解當時點解咁做。
李婉華同劉雅麗一齊訪問何英偉何英偉表示早前聽住李婉華嘅直播揸車，從而得知海俊傑嘅處境，雖唔記得過去有冇同海仔合作，但何心血來潮決定揸個幾鐘頭車去中山嘅醫院。「個個人都話係AI，我好想話俾人聽呢個唔係AI，好想證明呢樣嘢，咁先可以open the door，等其他人知道go ahead啦。」抵達後何英偉用唔同方法進入ICU，但因為有多重關卡，何英偉未能見到海俊傑太太，不過總算確定對方正在留醫。何英偉覺得同海俊傑都係同行，即使唔算認識佢，但喺有需要時就應該幫。
廣告廣告海俊傑條片曝光後，外界關注海點解要收巨額醫療費用，以及內地係咪有「先收錢後救人」嘅做法。5月剛喪父嘅何英偉以家人喺內地求醫嘅經歷幫手澄清。「我爸爸係冇藥可救嗰隻，都要萬五蚊人民幣一日。何況佢（海太）嗰個重症，你一定要打啲嘢嘅，打好多藥落去，三萬蚊係一定要。有好多人去估喺大陸需唔需要咁貴啊？其實呢間醫院呢，係一間非常出名嘅醫院嚟嘅，係特別係做手術方面呢，內臟嘅手術呢，喺成功率好出名」。何英偉又指，內地嘅大型醫院「好規矩，一分一毫都list晒出嚟，冇灰色地帶」。
何英偉同李婉華多年前一齊拍《金毛獅王》此外，李婉華同劉雅麗都有問何英偉近況，移居北上嘅佢已經轉行做生意，從事紙箱貿易生意，並指因為需求大所以生意好好。
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！