【香港】《偷偷記得》絮語音樂劇場｜梁祖堯念婆婆手鏈隨身岑寧兒大學時期愛揸住車煲碟

风信使 · 发表于 7 天前

《偷偷記得》絮語音樂劇場｜梁祖堯念婆婆手鏈隨身岑寧兒大學時期愛揸住車煲碟由風車草劇團主辦《偷偷記得》絮語音樂劇場，將於2025年11月28日起假葵青劇院演藝廳舉行。早前的預售反應熱烈，門票迅速售罄，在今日（3日）舉行的記者會上，風車草劇團三大台柱：梁祖堯、湯駿業（AhDee）及邵美君，與首度參演舞台劇演出的岑寧兒（Yoyo Sham），除了分享他們的內心世界外，亦公布了今日中午12時公售詳情。
《偷偷記得》絮語音樂劇場是一個有關回憶的故事，說起偷偷記得的回憶，眾人在台上分享了埋藏在內心的回憶碎片，阿祖道：「我會諗起同一啲已經唔喺度嘅屋企人嘅相處點滴，明明係甜蜜、開心回憶，但一想起總會好懷念佢，好似已離世嘅婆婆送我嘅手鏈，我連戴住佢都唔捨得，而家只會袋住佢、紀念佢。」AhDee則道：「講起回憶，我就會諗起聖鬥士星矢，因為星矢影響咗我成個人嘅性格，覺得好多事情肯努力，燃起小宇宙，就可以改變呢個世界，就會有奇蹟發生。我而家仲有星矢嘅紅白機遊戲帶，每次見到都會諗起讀緊書，仲係傻更更，覺得乜都有可能嘅自己。」
阿君的是一段睹物思人的回憶，她說：「我妹妹移民後，曾經送我一件背心，上面有佢親手畫嘅鮮花圖案。妹妹好鍾意送我手作禮物，亦總會提醒我，要記得身邊好平凡嘅小事情、小確幸。」至於Yoyo就回想起在加拿大升學的日子，她分享道：「我喺加拿大讀大學嘅時候成日都要揸車，所以我成日都會偷偷記得好自由自在、無拘無束嘅揸車感覺。嗰陣仲會喺車裡面播CD，加上車廂係一個好私人嘅空間，我可以勁大聲唱歌，所以我好掛住揸車聽歌呢件事。」
記招過後，AhDee分享今次再做音樂劇場的原因，他說：「我哋想用好多我哋成長裡面耳熟能詳嘅廣東歌，呢啲歌曲會勾起大家某個時期自己嘅某一些回憶，我哋亦想保留歌曲對大家嘅衝擊，做音樂劇場相對可以有多啲變化。」因為劇中的音樂元素，今次再由合作無間的Mike Orange擔任音樂總監，Yoyo道：「我同Mike過去喺音樂上都有合作過，但我都好期待喺一個音樂會以外嘅環境再同佢合作，因為我好少同佢交流過喺劇場嘅經驗，但我相信佢好能夠同兩樣咁唔同嘅語言溝通。」阿君亦表示：「之前亦試過為劇情而創作新歌，過程係好好玩，我哋亦試過揀廣東歌重新編製，每次都聽到起雞皮，好多驚喜。」

《偷偷記得》絮語音樂劇場｜梁祖堯念婆婆手鏈隨身岑寧兒大學時期愛揸住車煲碟演出詳情：
場次：28-30.11, 2-5.12.2025 [8pm]
29-30.11, 6.12.2025 [3pm]
地點：葵青劇院演藝廳
票價：$780, $680, $580, $480（每張門票另加手續費$65）
故事大綱：
《偷偷記得》絮語音樂劇場，講述新入職的護士（岑寧兒飾），忙碌地照顧每一位病人，不由自主地被他們生命中的故事牽引着，想去為他們盡力完成生命中未了的心願。護士長（邵美君飾）長年累月忙碌工作，已經看透生死，已經成為一個冷漠的人，不停勸告新護士，照顧病人的身體，只是一項工作。他們生命裏的遺憾，實在不能帶進自己的生命裏，結果護士長新護士，經常造成衝突。原來護士長背負着一個一生的陰影，一個自己一直逃避的陰影，更因為一個陌生人入院，潘朵拉的盒子將要揭開。這個陌生人（梁祖堯飾）遇上交通意外，被送入這間病房。他對家庭、妻子（胡麗英飾）和自己生命的意義，所有千絲萬縷，隨着這意外，所有都膠着了。新入職護士收到天使（湯駿業飾）的委託，要幫助他解開所有遺憾，但最後發現原來種種遺憾，和自己的人生有着一個神秘的關係。
生命中所有曾經發生的火花、溫度，隨着生命的流逝而漸漸冷卻。如果時間可以回頭，他們又會作出什麼的選擇？

《偷偷記得》絮語音樂劇場｜梁祖堯念婆婆手鏈隨身岑寧兒大學時期愛揸住車煲碟

		自动登录	找回密码
密码			免费注册

【香港】《偷偷記得》絮語音樂劇場｜梁祖堯念婆婆手鏈隨身 岑寧兒大學時期愛揸住車煲碟

浏览过的版块

【香港】《偷偷記得》絮語音樂劇場｜梁祖堯念婆婆手鏈隨身岑寧兒大學時期愛揸住車煲碟