【香港】張偉文秦煌近況曝光羅浩楷到老人院探望不禁激動︰佢心好寂寞架

tianqi · 发表于 2025-10-9 13:06:24

鄧英敏同羅浩楷一齊探望張偉文同秦煌曾於七八十年代為觀眾表現獻藝嘅藝人，近年唔少人都步入暮年。前TVB藝人鄧英敏日前帶同羅浩楷，走訪兩間安老院舍探望行動不便嘅張偉文及秦煌。

張偉文現時要卧床休養

張偉文不時會發出叫聲片段中，羅浩楷透露自己有柏金遜症，需以輪椅代步，但仍然抽空見見老朋友。第一站一行人探望「靚聲王」張偉文，送上月餅等小食又唱歌俾張偉文聽。卧病在床嘅張偉文需要由契仔方俊餵食，身型同面龐較以前清減不少，羅浩楷不禁激動感歎「佢心好寂寞架……我地走之後，佢一個人瞓喺度，我曾經日日都係咁樣，又冇人同佢傾偈，你話個生活點過？」。張偉文聞言大叫「呀」，似乎對楷哥感受有共鳴，並且用手上嘅利是拭眼。幸好張偉文入住嘅老人院環境不俗，羅浩楷笑言考慮入住，仲話留個床位俾鄧英敏陪佢傾偈。
廣告廣告

秦煌需要坐輪椅出入隨後鄧英敏等人再去探訪秦煌，訪問過程中羅浩楷一直拖實秦煌，二人依舊聲線暸亮。秦煌現時入住安老院，需要輪椅出入，但就表示唔感到寂寞，同其他院友「全部熟晒」，甚至話半個月有人探望吓就夠。

秦煌精神依然唔錯曾經係TVB扮嘢王嘅羅浩楷，因為出現手震而求醫，先至發現患上柏金遜症。由於手腳活動能力唔多好，現時羅浩楷要以輪椅代步，日常生活由太太同工人打點，但腦筋依然清晰，更不時炒股賺生活費。73歲「靚聲王」張偉文受腰椎問題及糖尿病影響，體重由最高峰期嘅260磅跌至170磅，近年更患上認知障礙，需要入住護老院。至於81歲「周伯通」秦煌去年3月喺酒店房內跌倒，要搵圈中老友林偉同劇集監製關永忠幫手報警，入院後有關部門為秦煌安排入住護老院，並申請綜援應付其他開支。

秦煌同羅浩楷見面就拖到實

		自动登录	找回密码
密码			免费注册

【香港】張偉文秦煌近況曝光 羅浩楷到老人院探望不禁激動︰佢心好寂寞架

浏览过的版块

【香港】張偉文秦煌近況曝光羅浩楷到老人院探望不禁激動︰佢心好寂寞架