【香港】林嘉華逼供安德尊成功 大王首度大方認愛宋芝齡？！

林︰我睇到好多娛樂消息，其實話你同阿邊個邊個呢……

安：宋芝齡？又係佢？

林︰我唔知呀……我就係想問……

安：得得得，我一陣介紹宋芝齡你識！

林︰我哋識架啦……

安：你覺得佢好唔好先？

林︰我覺得佢好唔好緊要，最重要係你覺得佢好唔好先？除咗好拍檔之外……

安：我覺得佢一般！

林︰而家追問大王嘅問題，係佢覺得幾時先要成家立室，

安：達唔到你同Jumbo姐咁好

林︰如果你真係同佢一齊，我可以過幾個秘笈畀你。

安（笑）：我唔要呀，唔要你個秘笈，留番第二個先。

林︰呢個問題永遠得唔到答案咁點搞？嗱，你應承我哋，喺2026年會唔會有一個明朗啲嘅……因為而家啲嘢好混濁呀！

安：你返唔返嚟香港先？

林︰你如果擺酒我實返。冇人工、冇片酬我都返，仲要做人情，蝕硬呀呢次！不如你趁我返嚟開工組織家庭咪算。

林︰咁我要搵埋佢另一半問下先，邊個係呀？

安：仲要問？佢走咗喇（已經離開錄影廠嘅宋芝齡）

林：佢哋有冇承認過？

（娛樂新聞台嘅潘盈慧話「大王今次第一次講咋」）

安：講咋喎！

林：講就係喇，大王講嘅嘢就係真，佢自己承認咗喇！